Framboðsfrestur til sveitarstjórnarkosninga þann 16. maí næstkomandi rann út á föstudag. Í Hafnarfirði skiluðu sex flokkar framboðslistum. Nú verður farið yfir það hvort framboðin uppfylli skilyrði, meðal annars með tilliti til fjölda meðmæla, og verða endanlegir framboðslistar kynntir eftir helgi.
Þessir flokkar skiluðu framboðslistum í Hafnarfirði:
- Framsókn
Oddviti: Valdimar Víðisson, bæjarstjóri. - Miðflokkurinn
Oddviti: Einar Geir Þorsteinsson, lögmaður. - Samfylkingin
Oddviti: Guðmundur Árni Stefánsson, bæjarfulltrúi og fyrrum bæjarstjóri. - Sjálfstæðisflokkurinn
Oddviti: Orri Björnsson, bæjarfulltrúi. - Viðreisn
Oddviti: Karólína Helga Símonardóttir, framkvæmdastjóri og varaþingmaður. - Vinstrið
Oddviti: Ester Bíbí Ásgeirsdóttir, verkefnastjóri.
Í bæjarstjórn Hafnarfjarðar sitja fulltrúar frá fjórum flokkum. Sjálfstæðisflokkur og Framsókn mynda meirihluta og Samfylkingin og Viðreisn eru í minnihluta. Miðflokkurinn og Vinstrið eiga ekki fulltrúa í bæjarstjórn.
