Vilja íbúakosningu um framtíð Krýsuvíkur

Fulltrúar minnihlutans í bæjarstjórn vilja að íbúarnir ákveði framtíð Krýsuvíkur.

Fulltrúar minnihlutans í bæjarstjórn vilja að íbúarnir ákveði framtíð Krýsuvíkur.

Fulltrúar minnihlutans í bæjarstjórn hafa lagt til að fyrirliggjandi hugmyndir um raforkuframleiðslu og tengda iðnaðarstarfsemi í Krýsuvík verði lagðar í dóm bæjarbúa í almennri íbúakosningu. Tillaga þess efnis var lögð fram á fundi bæjarráðs í gær. HS orka hefur leyfi til rannsókna á svæðinu og hefur óskað eftir heimild til að undirbúa þar framkvæmdir við jarðavarmavirkjun.

Á fundi bæjarráðs var tekið fyrir erindi Innanríkisráðuneytisins sem hvetur íslensk sveitarfélög til að kynna sér tilraunaverkefni um rafrænar íbúakosningar sem ráðuneytið stendur að í samstarfi við Þjóðskrá Íslands. Verkefnið byggir á bráðabirgðaákvæði í sveitarstjórnarlögum og felur m.a. í sér að viðkomandi sveitarfélag ber engan kostnað af framkvæmd kosninganna.

Í tillögu minnihlutans segir að kosning um framtíðarnýtingu Krýsuvíkursvæðisins sé eðlilegt og rökrétt framhald af þeirri vinnu sem fram fór á síðasta kjörtímabili þar sem mörkuð var og samþykkt umhverfis- og auðlindastefna fyrir sveitarfélagið. Í henni felst að Hafnarfjörður verði í fararbroddi sveitarfélaga á Íslandi í umhverfisvernd og ætli að stuðla að lýðræðislegri þátttöku íbúa í stefnumótun á viði umhverfisverndar og auðlindanýtingar.



Flokkar:Uncategorized

%d bloggurum líkar þetta: