Upplýsingum haldið frá bæjarfulltrúum

Adda María Jóhannsdóttir bæjarfulltrúi segir að svo virðist sem bæjarstjóri sjálfur eða eftir fyrirmælum meirihlutans sé farin að segja upp fólki og gera breytingar á störfum án þess að það sé rætt í þeim ráðum og nefndum sem um málin eiga að fjalla.

Adda María Jóhannsdóttir bæjarfulltrúi segir að svo virðist sem bæjarstjóri sjálfur eða eftir fyrirmælum meirihlutans sé farin að segja upp fólki og gera breytingar á störfum án þess að það sé rætt í þeim ráðum og nefndum sem um málin eiga að fjalla.

Bæjarstjóri neitaði fyrir það á fundi bæjarstjórnar að nokkrar breytingar væru fyrirhugaðar í stjórnsýslunni. Sama dag birtist frétt í Fjarðarpóstinum sem gengur þvert gegn orðum bæjarstjórans.[/caption]Það hefur vakið athygli að fulltrúar minnihlutans í bæjarstjórn hafa ítrekað kvartað undan skorti á samráði innan bæjarstjórnar. Þeir telja gögnum haldið frá fulltrúum þannig að þeir fái upplýsingar bæði seint og illa.

Um þverbak hefur keyrt í kjölfar breytinga á stjórnskipulagi bæjarins. Á eftirminnilegum fundi bæjarstjórnar þann 29. júní sl. spurðu fulltrúar minnihlutans ítrekað um áhrif breytinganna á störf embættismanna hjá bænum en fengu ekki svör. Þeir lásu svo um uppsagnir og tilfærslur á verkefnum og störfum í bæjarblaðinu, Fjarðarpóstinum.

Nú hefur leikurinn verið endurtekinn. Á fundi bæjarstjórnar í gær spurðu fulltrúar minnihlutans um það hvort frekari breytinga væri að vænta sem hefðu áhrif á störf fólks. Ekki fengust um það skýr svör og fullyrti bæjarstjóri í sínum svörum að ekki væri von á frekari uppsögnum eða breytingum. Í vefútgáfu Fjarðarpóstsins sama kvöld var hins vegar fjallað um breytingar á stöðu upplýsinga- og kynningarfulltrúa en því starfi á nú að skipta upp í tvær stöður með tilheyrandi breytingum á starfi viðkomandi starfsmanns. Óljóst er hvaðan þessar tillögur koma en þær voru ekki í upphaflegum tillögum ráðgjafa sem fóru fyrir rekstrarúttekt þeirri sem unnin var fyrir sveitarfélagið og birt í sumar.

Bæjarfulltrúi Samfylkingarinnar, Adda María Jóhannsdóttir, lét í ljós óánægju sína með þessi vinnubrögð í facebook færslu í gærkvöldi en þar segir hún „Bæjarfulltrúar minnihlutans þurfa sem sagt að lesa um meiriháttar breytingar á verkefnum og störfum innan stjórnsýslu bæjarins í fjölmiðlum.“ Aðspurð segir Adda María þessi vinnubrögð forkastanleg og svo virðist sem bæjarstjóri sjálfur eða eftir fyrirmælum meirihlutans sé farin að segja upp fólki og gera breytingar á störfum án þess að það sé rætt í þeim ráðum og nefndum sem um málin eiga að fjalla.



Flokkar:Uncategorized

%d bloggurum líkar þetta: