Æskulýðsheimilið (Æskó) tók til starfa 1969. Mynd: Alþýðublað Hafnarfjarðar
Slóðir unglingamenningar í Hafnarfirði er þema síðustu menningargöngu þessa sumars í Hafnarfirði. Árni Guðmundsson félagsuppeldisfræðingur leiðir gönguna um slóðir unglingamenningar og rifjar upp söguna.
Hafnfirskir strákar í Æskó árið 1983. Mynd: Fjarðarpósturinn
Það er ekki ólíklegt að þar komi við sögu gamla Æskó, Vitinn og fleira sem margir Hafnfirðingar þekkja og eiga skemmtilegar minningar frá.
Gangan hefst kl. 20:00 við Hafnarborg.
Menningargöngurnar eru fyrir alla áhugasama og ekkert kostar að taka þátt.