Leikskólinn Kató: börnum vísað annað

Ákvörðun um lokun Kató virðist hafa tekið sig sjálf.

Ákvörðun um lokun Kató virðist hafa tekið sig sjálf.

Samkvæmt heimildum Bæjarins okkar hefur öllum beiðnum foreldra um pláss á leikskólanum Kató næsta haust verið synjað. Dæmi eru um börn sem eiga heimili í næsta nágrenni við skólann en er vísað í leikskóla í öðrum hverfum bæjarins. Þetta virðist gert þrátt fyrir að næg pláss séu þar til úthlutunar.

Það merkilega í þessu máli er að engin ákvörðun hefur verið tekin um að hætta innritun barna í þennan leikskóla, hvorki í fræðsluráði né í bæjarstjórn og engin tillaga þess efnis verið flutt. Töluverðar umræður voru um málið í bæjarstjórn sl. vor og spurðu fulltrúar minnihlutans bæjarstjóra ítrekað hvort í undirbúningi væru breytingar á rekstri leikskólans en fengu engin skýr svör.

Foreldrar leikskólabarna í Kató og íbúar í hverfinu sendu bæjaryfirvöldum einnig harðort bréf og undirskriftarlista í apríl sl. og kröfðust svara. Erindið var lagt fram í fræðsluráði þann 5. maí sl. Nú þremur mánuðum síðar er erindinu enn ósvarað.

Niðurstaðan er sú að foreldrar í hverfinu þurfa að sætta sig við að senda börn sín í aðra leikskóla, þrátt fyrir að næg pláss séu í þeim sem er staðsettur í þeirra hverfi. Og þrátt fyrir að enginn vilji kannast við að hafa tekið ákvörðun um að hætta að innrita þar börn.



Flokkar:Uncategorized

%d bloggurum líkar þetta: