Bökuðu bæði fyrir fyrsta fundinn

Eyrún Ósk og Jón Grétar  buðu nýju samstarfsfólki uppá heimabakað hafnfirskt bakkelsi.

Eyrún Ósk og Jón Grétar buðu nýju samstarfsfólki uppá heimabakað hafnfirskt bakkelsi.

Eyrún Ósk Jónsdóttir nýkjörinn varabæjarfulltrúi fyrir Samfylkinguna og Jón Grétar Þórsson sátu nýlega bæði sinn fyrsta fund sem aðalmenn í nefndum og ráðum bæjarins, hún sem fulltrúi í umhverfis-og framkvæmdaráði og hann í menningar- og ferðamálanefnd. Það vakti athygli margra, m.a. þeirra sem fylgjast með þeim á Facebook, að þau komu bæði færandi hendi á fyrsta fundinn og buðu nýju samstarfsfólki uppá heimabakað hafnfirskt bakkelsi.

„Fyrsti fundurinn var mjög fínn. Mér líst svaka vel á ráðið og þetta er flottur hópur. Við byrjuðum á því að fá kynningu á því sem heyrir undir ráðið og þetta leggst bara vel í mig. Ég bakaði að sjálfsögðu fyrir fyrsta fundinn og og hjólaði með kökurnar í fjölnota poka upp á Norðurhellu“, sagði Eyrún um reynsluna af fyrsta fundinum í umhverfis- og framkvæmdaráði.

Eyrún segist hlakka til að takast á við þau verkefni sem eru framundan. „Ég hlakka til að halda áfram að þróa verkefnið Plastpokalaus bær. En áskorunin verður að leita skapandi leiða til þess að fá bæjarbúa og fyrirtæki í lið með okkur. Önnur verkefni sem mér finnst mikilvæg er að halda áfram að tengja saman hjóla leiðir, bæta aðstöðu til útivistar í upplandinu, fegra bæinn og hlúa að mannlífinu í samvinnu við bæjarbúa„ segir Eyrún og bætir við að það sé líka gaman að sjá hversu vel verkefnið Torg í biðstöðu er að koma út en það var sett af stað að frumkvæði Miðbæjarsamtakanna og samþykkt í umhverfis- og framkvæmdaráði sl. vor.

Bollakökurnar hans Jóns Grétars

Bollakökurnar hans Jóns Grétars

„Það er svo margt að gerast í þeim málaflokkum sem heyra undir ráðið og mörg spennandi verkefni. Og nú er bara að sökkva sér í fundagerðir og skýrslur og vera dugleg að spyrja“. Sagði Eyrún að lokum



Flokkar:Uncategorized

%d bloggurum líkar þetta: