Nýr samningur við álverið í Straumsvík

By baerinnokkar on apríl 30, 2014

Lúðvík Geirsson formaður Hafnarstjórnar

Bæjarstjórn Hafnarfjarðarbæjar samþykkti á fundi sínum í dag nýjan samning Hafnarfjarðarhafnar og Rio Tinto Alcan um afnot af hafnaraðstöðu fyrirtækisins í Hafnarfjarðarhöfn. Samningurinn tekur gildi í október á þessu ári og gildir til ársins 2036. Með samningnum aukast tekjur Hafnarfjarðarhafnar um 50- 70 milljónir króna á ári.

Samningurinn byggir á viðræðum sem hafa staðið yfir frá árinu 2011 milli fyrirtækisins og samningahóps sveitarfélagsins undir formennsku Eyjólfs Þórs Sæmundssonar bæjarfulltrúa.

Lúðvík Geirsson formaður Hafnarstjórnar segir það mikið ánægjuefni að ná þessu samkomulagi milli bæjarins og fyrirtækisins. „Straumsvíkurhöfn er mjög mikilvægur hluti af rekstri Hafnarfjarðarhafnar og með þessum samningi mun það koma mun betur í ljós en áður hversu mikilvæg tekjulind höfnin er og mun verða fyrir sveitarfélagið til framtíðar“.

‹ Kappræður og kosningaskrifstofan opnuð

Drafnarslippurinn: Það er Hafnarfjörður ›

Flokkar:Uncategorized